hilarious!!

Sapa lagi buduh...

Terjadi kisah bila seorang nenek tua yang hendak menyeberang jalan yang hampir-hampir dilanggar oleh kereta.

Pemandu (dengan marah): Woi...orang tua...buduh kah kan mati?Nyubarang nda meliat-liat jalan.

Nenek: Woi...kau yang buduh...melangar org tua pun nda pandai kana-kananya.

Mun Paham Bisai...

Si milah sama si dolah ani sepasang kekasih. satu hari durang dating arah kawasan sawah bendang. dalam pada durang bejalan jalan disiring sawah atu, si dolah becakap tah, cuba ko liat tu milah kerabau dua ikung ah sambil menunjuk arah dua ikung krabau yang time atu menggesel-gesel idung sesama krabau atu. kira cium cium krabaulah tu. skali sidolah ani menyindir, aku mau eh macam atu milah. sekali nya si milah, bah agatah, krabau kita jua tu. dengan muka hampa si dolah berkata,MUN PAHAM BISAI!

petua 3B

Moktar datang bejumpa sorang Ustaz kan meminta nasihat.

Moktar:'Ustaz.. napa ya ah..payah banar ku kan betamu juduhku?Sampai sekarang ani balum tah ku ada kekasih...'

Ustaz: 'Kasian jua kau ani eh...bini2 macamana yang menjadi idamanmu ani kan?'.

Moktar: 'Aku kalau bulih mau yang bekulit putih.. lawa.. tinggi..pandai bepikir.. sayang dan menyintai kadiaku sepanuh hatinya ustaz...'.

Ustaz : 'Ahhh ... kalau macamatu.. kau misti melaksanakan petua 3B. 'B' yang pertama 'BERUSAHA'... apakah kau udah banyak berusaha?'.

Moktar: 'Banyak udah Ustaz... Banyak tampat udahku pigi kan mengurat ani ustaz...nda jua pandai belurih..!'.

Ustaz: 'Adih!! Kalau camatu kau misti laksanakan 'B' yang kedua tu...ia atu 'BERDOA''.

Moktar: ' Dui Ustaz...tiap kali ku sembahyang ndaku pandai lupa tu bedoa ah...misti tu'.

Ustaz tunduk kemudian merenung Moktar dgn pandangan yang penuh simbolik.

Ustaz,:'Mun camatu.......err...Nampak-nampaknya kau ani misti melaksanakan 'B' yg ketiga tu.'

Moktar: 'Apa tu Ustaz!?'.

Ustaz:'BECERAMIN!'.